വല്യമ്മാവന്‍ മടിക്കുത്തഴിച്ച് എന്തോ പുറത്തെടുത്തു. മുറുക്കാന്‍ പൊതിയാണോ?... അതോ ബീഡിയോ?... അല്ല! മൊബൈ‍ലാണ്. കണ്ണിനോടു ചേര്‍ത്ത് പിടിച്ചു സൂക്ഷിച്ചു നോക്കി. ഇല്ല.. ! ഒരുത്തനും ഒരു മിസ്സ്ഡ്‌ കാള്‍ പോലും അടിച്ചിട്ടില്ല. കഷ്ടം!! വീണ്ടും തിരിച്ചു മുണ്ടിന്‍റെ കോന്തലയില്‍ കെട്ടി വെച്ചു. നോക്കിയയാ..
ക്ലാസ്സിക്‌ അഥവാ പൈങ്കിളി
പൌലോ കൊയ്‌ലോ എന്ന ബ്രസീലിയന്‍ എഴുത്തുകാരന്‍ ഇലവന്‍ മിനിട്സ് എന്ന നോവലില്‍ പച്ചയായി സെക്സും പ്രേമവും എഴുതിയപ്പോള്‍ അതൊരു സംഭവമായി. വര്‍ഷങ്ങള്‍ക്കു മുന്‍പ് നമ്മുടെ മുട്ടത്തു വര്‍ക്കിയും എഴുതിയത് ഇത് തന്നെ. വിദേശി എഴുതിയപ്പോള്‍ ക്ലാസ്സിക്കും മലയാളി എഴുതിയപ്പോള്‍ അത് പൈങ്കിളിയും. നമ്മുടെ നിരൂപകരുടെ ഒരു ഗതികേട് എന്നല്ലാതെ എന്ത് പറയാന്‍...
ഭാഷ
സായിപ്പ്‌ സായിപ്പിന്‍റെ ഭാഷ സംസാരിക്കുന്നു. അറബി അറബിയില്‍ സംസാരിക്കുന്നു. ഹിന്ദിക്കാരന്‍ ഹിന്ദിയില്‍ ബോല്‍തുന്നു. അവരാരും നിങ്ങളുടെ ഭാഷ സംസാരിക്കാന്‍ മിനക്കെടുന്നില്ല. പിന്നെ മലയാളി മാത്രമെന്താ അറബിയോട് അറബിയിലും സായിപ്പിനോട്‌ ഇംഗ്ലീഷിലും ഹിന്ദിക്കാരനോട് ഹിന്ദിയിലും സംസാരിക്കുന്നു.. മലയാളി എന്താ ഇങ്ങനെ? എങ്ങനെ..!!! ജീവിച്ചു പോട്ടെ സാറെ...
റിട്ടയര്‍മെന്റ്
രാക്ഷ്ട്രീയ രംഗത്തായാലും സാംസ്ക്കാരിക രംഗത്തായാലും ഒരു റിട്ടയര്‍മെന്റ് ആവശ്യമല്ലേ.. അങ്ങനെ വേണമെന്ന് തോന്നുന്നു ചില മുതിര്‍ന്ന പൗരന്മാരുടെ സംസാരം കേള്‍ക്കുമ്പോള്‍.. എഴുപത്തഞ്ചു വയസ്സ് (എഴുപത് ഉത്തമം) കഴിഞ്ഞാല്‍ സ്വയം വിട വാങ്ങുന്നതല്ലേ നല്ലത്.. വയസ്സാകുന്തോറും പറയുന്നതും പ്രവര്‍ത്തിക്കുന്നതും സ്വയം ബുദ്ധിയില്‍ നിന്നല്ല എന്ന് വേണം സമകാലിക സംഭവങ്ങള്‍ സാക്ഷ്യപ്പെടുത്തുന്നത്. അഴീക്കോടും വീയെസ്സും കരുണാകരനും തന്നെ ജീവിച്ചിരിക്കുന്ന ഉദാഹരണങ്ങള്‍. ഇ. എം. എസ്സിന്റെയും നായനാരുടെയും അവസാനകാല പ്രസ്താവനകളും മലയാളികള്‍ക്ക് നാണമെന്താണന്നു മനസ്സിലാക്കി കൊടുത്തു. ഇവര്‍ക്ക് ജീവിക്കാന്‍ വേറെ മാര്‍ഗമില്ലെങ്കില്‍ പെന്‍ഷന്‍ കൊടുക്കാം. അന്തരീക്ഷം ഇങ്ങനെ മലിനമാക്കണോ?
കാലം മാറി..
ഇന്നലെ കേട്ടത് : അവനൊരു ആങ്കുട്ടിയല്ലേ, എങ്ങനേലും ജീവിച്ചോളും...
ഇന്ന് കേട്ടത്: അവളൊരു പെണ്‍കുട്ടിയല്ലേ, ആരുടെയെങ്കിലും കൂടെ പൊയ്ക്കോളും...
തയ്യല്‍ ദേവന്‍
'ആദിപരാശക്തി'ക്കും 'ദേവി മഹാ മായ'ക്കും ആറ്റുകാലമ്മയ്ക്കും വസ്ത്രങ്ങള്‍ തുന്നുന്ന മഹാനായ തയ്യല്‍ ദേവാ അങ്ങ് ഏതു മെഷീനിലാണ് ആവ തയ്ക്കുന്നത്. ഉഷയിലോ ... സെനിത്തിലോ ... (തെറ്റിദ്ധരിക്കരുത്.. ടീവി സീരിയലിനെ കുറിച്ചാണ്..)
No comments:
Post a Comment