മലയാള സിനിമയിലെ ക്ലാസ്സിക്കുകള്‍ എന്ന് നാം വിശ്വസിച്ചിരുന്ന ചില ചിത്രങ്ങളെ റീമേക്ക് വിദഗ്ദ്ധന്മാര്‍ തല്ലി കൂട്ടി ഒരു വഴിക്കാക്കുന്ന മനോഹരമായ കാഴ്ചയാണ് നമ്മള്‍ ഇപ്പോള്‍ കണ്ടുകൊണ്ടിരിക്കുന്നത്. അശ്ലീലം പത്മരാജന്‍ എന്നൊരാള്‍ എഴുതിയാലും അശ്ലീലം തന്നെ. പക്ഷെ അത് കാണിക്കുന്ന രീതിയിലാണ്‌ ഭരതനും പി. ചന്ദ്രകുമാറും വ്യത്യസ്തരാകുന്നത്. കുറഞ്ഞപക്ഷം കെ. എസ്. ഗോപാലകൃഷ്ണന്‍ സാറിന്റെ 'മത്തിച്ചാറ് മണക്കണ് മണക്കണ്...' എന്ന ഗാനരംഗമെങ്കിലും രാജീവ്‌ കുമാര്‍ കണ്ടു പഠിക്കേണ്ടതായിരുന്നു. ശ്വേത മേനോന്‍ എന്ന താരം ഇല്ലായിരുന്നെങ്കില്‍ കാണായിരുന്നു കഥ! ഈ ചിത്രങ്ങളില്‍ നിന്ന് പ്രേക്ഷകര്‍ക്ക്‌ എന്ത് കിട്ടി എന്ന് ചോദിക്കരുത്. കിട്ടിയത് സിനിമയുടെ അണിയറ പ്രവര്‍ത്തകര്‍ക്കാണ്. ഒരു തരം 'റീനിര്‍വേദം'! ഇനി പത്തു പതിനഞ്ചു വര്‍ഷങ്ങള്‍ കഴിഞ്ഞു ഷക്കീല ചേച്ചിയുടെ റീമേക്ക് ചിത്രങ്ങള്‍ക്കായി കാത്തിരിക്കാം.
No comments:
Post a Comment