ശാസ്ത്രഞ്ജന്‍ പുസ്തകം വായിക്കുകയായിരുന്നു. അതിലെ ഒരു വാചകം അദ്ദേഹത്തിന് വളരെ ഇഷ്ടമായി. 'മദ്യം ചിന്തകളെ ഉദ്ദീപിപ്പിക്കുന്നു'. ആഹാ. കൊള്ളാല്ലോ. ഒന്ന് പരീക്ഷിച്ചിട്ട് തന്നെ കാര്യം. അലമാരയില്‍ നിന്നും ഒരു പൈന്റ് എടുത്തു പൊട്ടിച്ചു. പകുതിയോളം അകത്താക്കി. അഞ്ചു മിനിറ്റ് വെയിറ്റ് ചെയ്തു. തലയില്‍ ഒരു തരിപ്പ് കേറി തുടങ്ങി. ഇനി ചിന്തകള്‍ ഉദ്ദീപിച്ചു തുടങ്ങും. ബാക്കിയുള്ളതും കൂടി അകത്താക്കി. എന്തൊക്കെയോ തോന്നുന്നുണ്ട്. സാസ്ത്രത്രത്രന്ജന്‍ (ശ്ശെ.. കഥാപാത്രം മദ്യപിച്ചതിന് കഥാകാരന്റെ കൈ കുഴയുന്നത് എന്തിനാണ്?) ശാസ്ത്രഞ്ജന്‍ തെരുവില്‍ കൂടി നടക്കാന്‍ തീരുമാനിച്ചു. ഇന്ന് ഞാന്‍ ചിലതെല്ലാം കണ്ടു പിടിക്കും. ചിന്തകള്‍ക്ക് തീ പിടിക്കുന്നുണ്ട്. ഇനി കണ്ടുപിടിത്തങ്ങള്‍ വരട്ടെ. പക്ഷെ ഉദ്ദീപനത്തിന്റെ അവസാനം ഒന്നും ഓര്‍മയില്ലാതായി. പിറ്റേ ദിവസം തന്റെ കണ്ടു പിടുത്തങ്ങളുടെ പുസ്തകത്തില്‍ ശാസ്ത്രഞ്ജന്‍ ഇങ്ങനെ കുറിച്ചു. "ഒന്ന്: നഗരത്തിലെ സുന്ദരികളായ പെണ്‍കുട്ടികള്‍ കരാട്ടെ പഠിച്ചവരാണ്, രണ്ട്: മദ്യം - ഉറങ്ങാന്‍ ഏറ്റവും പറ്റിയ സാധനമാണ്".
